Testo: anonimo, Cariati – Musica: Cariati
Parti littira mia, parti e camina
Nun diri né addrì va’, né chi ti manna
Vamila trova la guagliuna mia
Va’ dici ca la mannu salutannu
Va’ dici ca la mannu salutannu
Va’ dici ca facissi ccu’ primura
S’affritta vita la stadi aspittannu
Va’ dici ca lu tiempu ni cunzuma
Cumi lu vienti ni ‘nturcinija l’anni
‘nu vientu siccu ca ni sicca l’anni
E si la truovi a tavula mangiannu
E vidi ca li manca ru guliju
Si vidi ca la manu ‘a vucca sbaglia
Mangiacci e vivi tu ‘mparti di mia
Mangiacci e vivi tu ‘mparti di mia
E si la truovi a liettu ripusannu
E vidi ca lu suonnu nun arriva
Si vidi ca la menti va sbaniannu
Riposaticci tu, ‘mparti di mia
Stienniti a fiancu e facci cumpagnia
Parti littira mia, parti e camina
Nun diri né addrì va’, né chi ti manna
Va mi la trova chiru amuri miu
Trasicci ‘n suonnu e duormicci ara banna
Facci l’amuri tu ‘mparti di mia.